-აბა სანამ დაგვარიგებენ ერთიც გავაბოლოთ!
-როგორ გგონიათ ღმერთი არსებობს?
-რა კითხვა უნდა მაგას, აბა ვინ გვარიგებს, ვინ გვტუზავს, ვინ გვჭრის და ბოლოსდაბოლოს ვინ გვხევს და გვყრის?
-ეგ ყველაფერი ფიზიკის კანონებს ექვემდებარება.
-ფიზიკის კანონები რაღას ქვემდებარება?.... - ჯოკერ შენ მაინც არ იცი, რომ მიმდგარხარ კუთხეში და უშნოდ იკრიჭები?!
-ნეტა ერთი თქვენ, რა საჭიროა ზედმეტი ცოდნა, შეირგეთ ყველამ ის როლი, რაც გაქვთ. მე მხოლოდ ის ვიცი რომ მტერიც და მეგობარიც ორივე მხოლოდ ჩემიანია, შესაბამისად ხან მჭრიან, ხანაც ფეხქვეშ მედებიან. მეც ესე ვექცევი. ასე რომ ყოველთვის ბარი ბარში ვართ.
-შენ რას იტყვი ტუზ?
-მე რა უნდა ვთქვა როცა კოზირი ვარ, კაი პონტში ვარ, მაგრამ გააჩნია რა თამაშში ვარ, სადაც ეს ფლიდი და ორგული ჯოკერი არაა, კონკურენტი არ მყავს. თუ არადა მაშინ ტვინის განძრევა მიწევს, ეს ერთის მხრივ კარგია, სულ ტონუსში ვარ. მაგრამ თუ ისა არაა ხასიათზე ვის ხელშიც ვარ, ტვინი ვეღარ მშველის.... აი შენ კაროლ ნამდვილი ბუტაფორია ხარ, პროსტა უფროსი რომ ხარ პატივს გცემენ და თავს გაჭრევინებენ, ისიც თუ შენნაირია. ვალეტი ჯერ ახალგაზრდაა და გასაგებია რომ გამოცდილი დამა გაჭრის, მაგრამ შენ რომ ჩაგრავ დამებს რა გგონია, ამცდები? მე თუ არა ეს გუინპლეინი ხომ მაინც მოგწვდება?...დამაჩკი თქვენ კიდე ამ ბებერი კაცის ნუ გეშინიათ, კოზირი როცა ხართ, მაშინ მაინც იძიეთ შური.... მე ყველაზე ძალიან მაინც ვალეტები მეცოდებით, ინფანტილურები ხართ და ესეთები რჩებით ბოლომდე, სანამ არ გაცვდებით.
ათიანებო, ცხრიანებო, რვიანებო, შვიდიანებო, ექვსიანებო, ხუთიანებო, ოთხიანებო, სამიანებო, ორიანებო თქვენი უპირატესობა ისაა, რომ თითოეული ერთით მეტი ხართ წინაზე და მომენტს არ უშვებთ ხელიდან ეს არ ამტკიცოთ. ისე გინდა ყოფილხართ, გინდა არა, მაგრამ დასტაში საჭირო ხალხი ხართ ბალანსისთვის, ტაშის დამკვრელიც ხო უნდა იყოს ვიღაც, ეს ერთი და მეორეც, მასა იმისთვისაა საჭირო, რომ როცა დაგჭირდეს ხელი შეაწმინდო და როცა დაგჭირდეს დამხმარე ძალად გამოიყენო და მერე ისევ გადააგდო. ექვსიანებო თქვენ ყველაზე საცოდავები ხართ, არაფრის ტრაკი თქვენ არ გაქვთ, ყველაზე ხშირად თქვენ გაიგნორებენ, თქვენ გტეხავენ, მაგრამ ზოგჯერ ღმერთი გეშუტკავებათ ხოლმე, თავს ჯოკრად წარმოგადგენინებთ. თქვენც თავს არ ზოგავთ, იხარჯებით ბოლომდე, მაგრამ რაც არ უნდა შუაზე გაიხეთ, თამაშის ბოლოს დასტაში რომ ამოყოფთ თავს, ისევ იმ უბადრუკ ექვსიანად იქცევით და აღარავის ახსოვს თქვენი ჯოკრობა....უიჰ ამ ლაპარაკ-ლაპარაკში ჩამორიგების დროც მოსულა, აუ ნეტა ბოლოს როდის ვიყავი ტუზ კოზირი აა?
"- ამ პაციენტს რა სჭირს? პიროვნების გაორება აქვს?
- პიროვნების გაორება კი არა გაორმოცდათოთხმეტება აქვს მგონი. თავი ბანქოს დასტა ჰგონია და ყოველ დღე სხვადასხვა მასტია. დღეს ალბათ ჯოკერია, ისე მოუხატავს ცხვირ-პირი.
- საწყალი, ნეტა რომელ თამაშშია ჩარჩენილი?"
0 comments:
Post a Comment